عاشقێکی سه‌رسه‌خت

 

له‌وه‌ته‌ی له‌سێبه‌ری

ئه‌ودره‌خته‌ شومه‌دا

به‌ خه‌یاڵ ڕۆحمان تێکه‌ڵ به‌ یه‌کتر کردووه‌

جه‌خار،

نه‌ من هه‌ست به‌ جه‌سته‌ی

تۆ ده‌که‌م

نه‌ تۆیش من ده‌بینی

*****

چه‌ند سه‌رسه‌خت بووم

هه‌موو شه‌وێ وه‌ک جه‌نگاوه‌رێکی جه‌سار

شه‌ڕم له‌ گه‌ڵ تاریکیدا

به‌رپا ئه‌کرد

تا بگه‌م به‌ ڕوناکی ناخی تۆ

ئه‌فسوس،تۆ بێباک بویت

هیچ کام له‌و شه‌وانه‌

به‌ هانامه‌وه‌ ناهاتی

*****

تا دوایین چرکه‌کانی عومرم چاوه‌ڕوانم

به‌ جوانی عه‌شق بگه‌م

به‌ عه‌شقی پاک و بێگه‌رد بگه‌م

ژیار جافـده‌نهاخ-هۆڵه‌ندا

|+|